Halloween

Dä Artikel bhandlet s Fescht. Wyteri Bedütige vo „Halloween“ findsch doo.

Halloween [ˌhæləʊˈiːn], vu All Hallows’ Even (Allerheilige-Oobe), isch e Fescht am Oobe vor Allerheilige in dr Nacht vum 31. Oktober zum 1. Novämber, wu urspringli vor allem z Irland gfyyrt woren isch. Dr Bruuch isch vu irische Yywanderer ab 1830 in d USA brocht wore. Im Lauf vu dr Zyt het sich Halloween näbe dr Wynäächte un em Thanksgiving-Fescht zue eim vu dr wichtigschte Fyyre in dr USA entwicklet. Vor allem syt dr 1990er Johr sin Halloween-Bryych deilwyys au z Europa ibernuu wore.